Bos días a tod@s!!
Un profesor de educación
física de Canadá decidiu que era o momento de fomentar o traballo en equipo e a
cooperación entre membros, en lugar de potenciar os individualismos que ven
noutros deportes. Por iso empezou a buscar o modo de crear unha disciplina na
que xogasen máis de dous equipos. Decidiu que tres sería o ideal, xa que un
número impar sempre fai que se estreiten os lazos de colaboración no núcleo dun
grupo.
No Kin
Ball participan tres equipos nun campo completamente cadrado, de 20
metros por cada lado. Cada equipo ten a 4 xogadores en pista, aínda que o
conxunto fórmano 8 e pódense facer todos os cambios que se desexen ao longo do
partido. Os equipos deben estar formados por homes e mulleres, o cal o converte
nun dos deportes mixtos máis interesantes que hai nestes momentos.
Cada equipo leva posto un peto
dunha cor diferente. O gris e o negro sempre son fixos, mentres que a terceira
cor varía entre o azul ou o rosa. O balón tamén pode ser de cor negra, rosa ou
branco como norma xeral, aínda que en calquera caso a cor é o de menos. Trátase
dunha pelota que pesa menos dun quilo, pero ten un diámetro de máis dun metro
con vinte centímetros, polo que non pasa desapercibida a ninguén.
O obxectivo do xogo é tirar o
balón para que un dos outros equipos, cuio cor debe indicarse antes de lanzar,
trate de impedir que toque o chan e preparar o seu lanzamento. O balón pódese
tocar con calquera parte do corpo, e os atacantes poden movelo dentro do campo
en calquera lugar desde o que queiran lanzar o novo ataque. Todos os xogadores
participan no lanzamento e a defensa, e se un equipo comete algunha falta, os
outros dous reciben un punto a favor. Deste xeito lógrase que todo o mundo
estea pendente do xogo ata o final, xa que os marcadores non se adoitan afastar
demasiado uns doutros. Gaña o equipo que chegue antes a marcar 13 puntos, aínda
que se se esgota o tempo de xogo gaña o equipo que máis puntos conseguise. Os
tempos divídense en 3 espazos de 7 minutos cada un.
A continuación deixámosvos
unha ligazón deste deporte para que poidades ver como se xoga...non vos apetece
xogar??
Ningún comentario:
Publicar un comentario