GOALBALL

Bos días !!

Hoxe ímosvos a falar dun deporte  paraolímpico...o  GOALBALL...coñecédelo?

Desde a súa invención como terapia para rehabilitar aos soldados feridos na II Guerra Mundial, o  goalball estendeuse por todo o mundo. Practícano deportistas cegos ou con discapacidade visual que utilizan un balón sonoro e converteuse nun dos deportes de equipo máis emocionantes dentro do programa  paralímpico.

O  goalball enfronta a dous conxuntos de tres xogadores nunha cancha interior marcada con liñas táctiles. En cada extremo hai unha portería de 9 metros de longo por 1,3 de alto, na que os membros do equipo contrario deben meter o balón tras lanzalo rodando pola pista. Todos os deportistas poden tirar e tamén todos deben defender as súas porterías co corpo.

Para permitir que practiquen este deporte persoas con diferentes graos de discapacidade visual, os xogadores deben levar un anteface que lles cubra por completo os ollos. Ademais, o pavillón debe permanecer en silencio durante todo o partido, para permitir que ambos os equipos poidan escoitar o balón sonoro. Só se permite gritar e aplaudir cando se marca un gol.

A continuación deixámosvos un vídeo cunha pequena explicación sobre o  GOALBALL.

https://www.youtube.com/watch?v=PebhJZapCTM